La langue d'oc est en perdition. Le seul moyen de la sauver est de la transmettre.
Le seul moyen de la transmettre est de l’apprendre aux enfants.
Et le seul moyen de la faire parler au plus grand nombre d’enfants est de l‘apprendre à l’école.
L’Etat n’étant pas encore disposé à faire entrer les langues régionales à l’école, il faut donc passer par l’associatif et les écoles bilingues sont des associations qui fonctionnent avec les enseignants et les parents.
La Calandreta, école laïque et privé.
Es uno escolo privado e laïco que recampo de classo ounte s’ensigno lou prouvençau e lou francés.
Es recouneigudo pèr l’Educacioun Naciounalo e lis ensignaire de l’escolo soun titulàri dóu councours de proufessour dis escolo.
L’escolo es beilejado pèr li parènt en assouciacioun, lèi de 1901. Fai partido de La Counfederacioun di Calandreta que recampo un quarantenau d’escolo en Franço, e à la Federacioun di Calandreta de Prouvènço que comto pèr lou moumen 3 escolo: Gap, Niço e Aurenjo.
Lis ensignaire seguisson lou prougramo de l’Educacioun Naciounalo.
Es uno escolo coume lis autro que duerb à 7 ouro 30 e barro à 18 ouro 15. Li calandroun soun aculi à partir de 8 ouro 30.
Comment ça marche ?
Es vertadieramen uno escolo coume lis autro!
La pedagougìo es ispirado de la metodo Freinet e de la pedagougìo istituciounalo.
Coume dins tóuti lis escolo, i’a li lèi de la classo, lou Counsèu de classo, lou journau de l’escolo, lou travai de cadun, la fotò e lou noum de cadun à l’intrado de la classo…
L’ensignamen es baia en prouvençau tre la meirenalo. Lou bilinguisme permet à l’enfant de desveloupa de capacita diferènto d’un que parlo uno souleto lengo. Aura mai de facilita à aprendre d’àutri lengo.
Pau à cha pau, lou pichot coumpren de mies en mies e pièi parlo à son tour, plan planet en prouvençau, leissant lou francés dins la classo.
En classo elementàri descuerb la leituro en prouvençau e l’ensignaire fai lou passage pèr matematico, l’istòri, li sciènci, la geougrafìo…
À l’inrado en 6enco, lou nivèu dins tóuti li matèri di calandroun es coumparable à lou dis àutri pichot.
Li calandroun sourtènt de la calandreta van au coulège coume lis àutris escoulan.
Apprentissage de la langue
Lou prouvençau se parlo subre-tout en Prouvènço. Es nosto lengo regiounalo. A l’avantage de permetre un meiour mejan d’aprene li lengo latino coume l’espagnòu vo l’italian...
L’administration
La Calandreta es uno escolo assouciativo. L’iscripcioun d’un pichot demandon l’iscripcioun de si gènt à l’associacioun qu’es coumpausado d’un counsèu d’amenistracioun (coumpausa de chasque presidènt de coumessioun, dóu burèu), e d’àutri membre.
Lou role dóu Counsèu d’amenistracioun es de prendre li decisioun impourtanto de la vido de l’escolo. Chasque membre es elegi en assemblado generale pèr un mandat de 3 an.
Lou burèu es coumpausa d’un presidènt, d’un clavaire e d’un secretàri.
L’escoutissoun annualo, pichoto, es necito pèr li croumpo de debut d’annado.
La Calandreta es gerido, pèr uno assouciacioun que li membre soun li parènt dis escoulan.
L’assouciacioun asseguro li pichot travai e l’entretèn fin que li pichot evouluèsson dins un cadre agradiéu. Li diferènti coumessioun ourganison de manifestacioun festivo tout de long de l’annado escoulàri: castagnado, lotò, balèti, kermesso... S’asseguro que li normo d’igièno e de segureta siguèsson respetado, entre autre à la cantino.
S’óucupo de la meso en plaço e la mantenènço dóu pargue enfourmati, de la gestioun dóu site Web, de faire counèisse l’escolo e de desveloupa la coumunicacioun dedins l’escolo.
A pèr amiro de cerca de finançamen, de mounta li doursié de demando de suvencioun…
L’argent
L’escolo a l’ajudo dóu Counsèu Generau, dóu Counsèu Regiounau via la Federacioun, e reçaup uno doutacioun de la coumuno pèr li pichot de la vilo escoularisa dins l’escolo. De dounatour noumbrous la soustènon financieramen o materialamen: douno d’argènt o de materiau divers…
Au collège
À la sourtido de la calandreto li pichot soun aculi au coulège coumelis autre.
Tricìo Dupuy
Aucun commentaire:
Enregistrer un commentaire